ಪ್ರೇಮಾಂತರ್ಧ್ವನಿ

ಕಾರ್ಮುಗಿಲ ಮಡಿಲಲ್ಲಿ ಭರವಸೆಯ ಮಿಂಚು

ಆ ಮಿಂಚಲ್ಲಿ ಹುದುಗಿತ್ತು ವಿಧಿಯಾಟದ ಸಂಚು

ಕಣ್ಣಲ್ಲಿ ಕಂಡೆನು ಹೂ ಮನಸಿನ ಒಲವು

ನಾನಿರಲಿಲ್ಲ ಅವಳಾ... ಮನದಲ್ಲಿ ಕಲೆತು |

ಬಾಳೆಂಬ ಪಯಣದಲಿ ಒಲವೆಂಬುದು ಮಾಯೆ

ಉಳಿದಿತ್ತು ನನ್ನಲ್ಲಿ ನೆನಪುಗಳ ಛಾಯೆ ||

ಮೌನದಲಿ ಕೇಳುವುದು ಅವಳ ಮಾತಿನ ಲಹರಿ 

ಸ್ವಪ್ನದಲೂ ಪೂಜಿಸುವೆ ನೂರೆಂಟು ಬಾರಿ

ಚೂರಾಯಿತು ಕನಸು... ಬರಿದಾಯಿತು ಮನಸು

ಅವಳಿಲ್ಲದ ಬದುಕಲಿ... ಕಾಣಲೆಂತು ಸೊಗಸು |

ವೈಣಿಕನೇ ಇಲ್ಲದ ವೀಣೆಯಾಯ್ತು ಬದುಕು

ನೋವನ್ನು ಮರೆಮಾಚಿತು ನಗುವಿನ ಮುಸುಕು ||

ಒಂದೊಂದು ಮಾತಿನಲೂ ಅವಳದೇ ನೆನಪು

ಮನದಾಳದ ತೋಟದಲಿ ನೆನಪುಗಳ ಕಂಪು

ಕನಸಲ್ಲೂ ಅವಳೇ... ನನಸಲ್ಲೂ ಅವಳೇ

ಹೃದಯದ ಪ್ರತಿ ಬಡಿತದ ಧ್ವನಿಯಲ್ಲೂ ಅವಳೇ |

ಪ್ರೀತಿಸಿದೆ ಪ್ರೇಮಿಸಿದೆ ಮನಸಿನ ದನಿ ಕೇಳಿ

ಸಾವನ್ನೂ ಬಿಗಿದಪ್ಪುವೆ ಅವಳದೆ ಹೆಸರೇಳಿ ||

 

Audio Clip (click the link below)

1.  Male_Version -  Kashyap Karthik

2. Female_Version - 1 - Prajwala Chandrashekar

3. Female_Version - 2 - Shobha Padmanabh

Music Courtesy - 'ರಾಜು ಕನ್ನಡ Medium' ಚಿತ್ರದ "ಕೊಡೆಯೊಂದರ ಆಡಿಯಲ್ಲಿ" ಹಾಡು.